हेर्दाहेर्दै यात्रुसहितको बस बाढीले बगायो 

२५ अषाढ २०७४

banner

दाङ। दाङको ग्वारखोलामा आएको बाढीले एउटा यात्रुबाहक बसलाई बाढीले बगाएको छ । बसलाई बगाएपछि यात्रुहरु समस्यामा परेका छन् ।

घोराही–तुलसीपुर सडकखण्ड अन्तर्गत पर्ने ग्वारखोलामा आएको भेलले आइतबार बसलाई बगाएपछि यात्रुहरुलाई प्रहरी र स्थानीय बासिन्दाहरुले उद्धार गरेका थिए । 

केही दिन अघिदेखि लगातार परेको बर्षाका कारण दाङका बिभिन्न खोलाहरुमा पानीको बहाव बढ्दै गएपछि सवारी साधन संचालन गर्नसमेत समस्या परेको छ ।

बर्षातको भेलका कारण घोराही लमही सडक खण्डको बबई, घोराही तुलसीपुरको संक्राम, ग्वार खोलालगायतका ठाउँमा यातायात सेवा संचालन गर्न समस्या परेको हो । 

खोलामा पानीको बहाव बढ्दै गएपछि साना सवारी साधनलाई खोला पार गर्न समस्या परेको स्थानीय कृष्ण चौधरीले बताए । चौधरीका अनुसार यस क्षेत्रका झण्डै एक दर्जन खोलाहरुमा बर्षादको समयमा यात्रु र सवारी साधनलाई आवतजावत गर्न समस्या पर्ने गरेको छ ।
 

Leave a reply

HTML Tags are not supported

Post My Comment »