भाइरल भिडियोमा चर्चा नपाएको सहायक दुर्घटना (भिडियो सामग्री)

१ श्रावण २०७४

banner

काठमाडौं। सामाखुसीको ढलमा १३ वर्षीया बालिका सत्या सापकोटा डुबेको भिडियोमा अर्को दुर्घटना पनि कैद भएको छ । तर, सत्या डुबेको मुख्य दुर्घटनामा त्यो गौण बन्यो । भाइरल भिडियोमा सत्या डुबेको देखेपछि उनलाई उद्दार गर्न आएका एक युवा पनि खाल्डोमा फसेको देखिन्छ ।

यो भिडियो सामग्री हेर्नुहोस्


सत्या फसेको मुख्य दुर्घटनासँगै यो दुर्घटना पनि सडकमा भएको लापरबाहीले नै निम्त्याएको हो ।

भिडियोमा जब सत्या पानीमा डुब्छिन्, उनलाई बचाउन एक युवा दौडेर आउँछन् । तर, उनी सत्यासम्म पुग्न सक्दैनन् । कारण– उनको खुट्टा सडकको खाल्डोमा पर्छ र उनी त्यहीँ लड्छन् । सत्या सडकछेउ भएको नालीमा खसेकी हुन् । त्यहाँ पानी भरिएकोले उनले सडक र ढल भेउ पाउन सकिनन् र उनी खसिन् । उनलाई बचाउन गएका युवा अर्को खाल्डोमा परेका थिए जुन खाल्डो सडकमा नियमित रुपमा पैदलयात्री हिँडिरहने ठाउँमा छ ।

सम्बन्धित समाचारः


पानी नभरिएको सामान्य समयमा दैनिक हजारौं मानिस यही खाल्डो नाघेर हिँड्छन् । यो खाल्डो यतिसम्म जोखिमपूर्ण छ कि पानी नपरेकै अवस्थामा पनि मानिस यहाँ पर्ने गरेका ५७ सालदेखि सामाखुसी चोकमा बस्दै आएका शेरबहादुर लामा बताउँछन् । उनका अनुसार धेरै पैदलयात्रीहरु यो खाल्डोमा दुर्घटनामा परिसकेका पनि छन् ।

प्रधानमन्त्री शेरबहादुर देउवाले आइतबार मात्र सम्बन्धित निकायका अधिकारीहरुलाई यस्ता जोखिमपूर्ण संरचना तत्काल मर्मत गर्न निर्देशन दिएका छन् । तर, उनको यो निर्देशन स्वस्फुर्त भन्दा पनि ‘भाइरल भएको दुर्घटना’को दबाबस्वरुप आएको प्रस्ट छ । यस्ता निर्देशन दबाब दिएपछि मात्र नभइ स्वस्फुर्त रुपमा आउनुपर्ने हो । दवावकाबीच प्रधानमन्त्रीले लिएको पहल प्रभावकारी कार्यान्वयन भए त ठिकै छ, नत्र आँखामा छारो हाल्ने सिवाय केही हुनेवाला छैन।

सत्या सापकोटासँग कुराकानी

Leave a reply

HTML Tags are not supported

Post My Comment »