गैरआवासीय नेपाली संघ वेल्जियमद्वारा सहयोग हस्तान्तरण

२७ कार्तिक २०७४

banner

आज सन् १३ नोभेम्वर २०१७ का दिन गैरआवासीय नेपाली संघ वेल्जियम (२०१५–०१७) कार्यकालले संकलन गरेको ४ लाख रकम गैरआवासीय नेपाली संघ वेल्जियमका निवर्तामान अध्यक्ष गंगाधर गौंतमले सुर्खेत गुर्वाकोट नगरपालिका १३ का दिपा रानालाई कृत्रीम खुट्टा खरिदको लागि सहयोग स्वरुप हस्तान्तरण गरेका छन्।  यसै कार्यक्रमबीच जनसम्पर्क समिति अमेरिकाका अध्यक्ष आनन्द विष्टले आफ्नो संस्थाको तर्फबाट ५०हजार सहयोग गर्ने प्रतिबद्धता व्यक्त गरे।
 
रानाले तीन महिनाको उमेरमा नै २ वटै खुट्टा गुमाउनु भएको र कृत्रीम खुट्टा हाल्नको लागि करीव ६ लाख ७४ हजार पर्ने बताए। सहयोग उपलब्ध गराएकोमा उनले गैरआवासीय नेपाली संघ वेल्जियम प्रति आभार प्रकट गरे। 

साना विकास बैंकका मुख्य प्रबन्धक झलेन्द्र भट्टराई र अर्थोपेड डा। ज्ञानेन्द्र श्रेष्ठले रानाको व्यक्तित्व बारे प्रकाश पारेका थिए। त्यसरी नै गैरआवासीय नेपाली संघ अन्तर्राष्ट्रिय समन्वय परिषद्का उपाध्यक्ष सपीला राजभण्डारी, महासचिव डा. बद्री के।सी, सचिव जानकी गुरुङ्ग, महिला संयोजक रजनी प्रधान, संघका पूर्व सल्लाहकार युवराज गुरुङ्गले पनि संघले गरेका परोपकारी सहयोग बारे मन्तव्य व्यक्त गरे।

कार्यक्रमको संचालन सानाकृषि विकास बैंकका प्रबन्धक कृष्णा शर्माले गर्नु भएको थियो। यस कार्यक्रममा गैरआवासीय नेपाल संघ बेल्जियमका प्रथम उपाध्यक्ष गोविन्द सिंह अधिकारीको पनि उपस्थिति रहेको थियो।
 

Leave a reply

HTML Tags are not supported

Post My Comment »