निर्वाचनमा हुने अधिक खर्च नरोके मुलुक बर्बादः ढुंगाना

२९ कार्तिक २०७४

banner

काठमाडौं। पूर्वसभामुख दमननाथ ढुंगानाले निर्वाचनमा हुने अधिक खर्च तत्काल नरोके मुलुक बर्बाद हुने दाबी गरेका छन्। प्रदेश सभा र प्रतिनिधि सभा निर्वाचन प्रचार अभियानका क्रममा अधिक खर्च भइरहेका बेला पूर्व सभामुख ढुंगानाले यस्तो परिपाटी तत्काल बन्द नभए लोकतन्त्र खतरामा पर्ने र मुलुककै भविष्यमाथि गम्भिर आघात पार्ने बताएका हुन्। 

नेपाली काँग्रेस भक्तपुर क्षेत्र नम्बर २ का प्रतिनिधि सभाका उम्मेदवार समेत रहेका उनले एउटा गरिव तर योग्य नागरिकले जनताको विश्वास लिनै नपाउने गरी निर्वाचन खर्च हुने गरेको भन्दै चिन्ता व्यक्त गरे।

बुधबार भक्तपुरमा आयोजित साक्षात्कार कार्यक्रममा पूर्व सभामुख ढुंगानाले निर्वाचनमा हुने अधिक खर्चलाई लोकतन्त्रको विषको संज्ञा दिँदै नियन्त्रणका लागि पहल गरिदिन संचारकर्मीहरुसँग आग्रह गरे। 
पूर्व सभामुख ढुगानाले नेपाल मजदुर किसान पार्टीलाई आफूसहित नेपाली काँग्रेसका उम्मेदवारहरुलाई आगामी निर्वाचनमा विजयी गराउन आग्रह गरे।

Leave a reply

HTML Tags are not supported

Post My Comment »