संविधान कार्यान्वयन गर्न दलहरु गंभीर हुनुपर्छ: महामन्त्री कोइराला
News Updated By- Photographer Bishnupriya Rijal    |   Posted From- Washington DC     |     January 11, 2017  

दमक, २७ पुस - नेपाली काँग्रेसका महामन्त्री डा शशाङ्क कोइरालाले तीनै तहको निर्वाचन गरेर संविधान कार्यान्वयन गर्न दलहरु गम्भीर हुनुपर्ने बताउनुभएको छ ।

आज झापाको दमकमा बिपी चिन्तन प्रतिष्ठान झापाले गरेको प्रजातन्त्र सेनानीको सामूहिक सम्मान कार्यक्रमलाई सम्बोधन गर्दै उहाँले संविधानको कार्यान्वयन गरी देशलाई शान्ति र संमृद्धितर्फ अघि बढाउन संविधानले दिएको समयसीमाभित्र तीनै तहको निर्वाचन गर्नुपर्ने बताउनुभयो ।

उहाँले जनताको उपलब्धिका रुपमा प्राप्त अधिकारलाई संस्थागत गर्नसमेत निर्वाचन मात्र एक मात्र संवैधानिक प्रक्रिया भएको धारणा राख्नुभयोे ।
त्यस अवसरमा पार्टीका केन्द्रीय सदस्यहरु विश्वप्रकाश शर्मा, सरिता प्रसाई, सांसद महेन्द्रकुमारी सुब्बा, पार्टी सभापति उद्धव थापा, प्रतिष्ठानका केन्द्रीय उपाध्यक्ष गङ्गा पराजुलीलगायतले बिपीको मेलमिलापको महत्वका बारेमा बोल्नुभएको थियो ।

४१ औँ मेलमिलाप दिवसको सन्ंदर्भको अवसर पारेर आयोजित सो कार्यक्रममा प्रजातान्त्रिक आन्दोलनका ४१ जना योद्धाहरुलाई सामूहिकरुपमा सम्मान गरिएको थियो । यसरी सम्मानीत हुनेहरुमा पूर्व सांसद डिल्ली सिटौला, चक्रप्रसाद बाँस्तोला, पूर्णानन्द शर्मालगायत हुनुुहुन्छ । रासस

 
 
 

More Daily Video News

Evening News, Jan 22

नेपाल विद्युत प्राधिकरणका सुपरभाइजरसहित १६ जनालाई पक्राउ। (Evening News, January 21, 2017, Source: News24 TV)