मुम्बइ। बलिउडका बादशाह शाहरुख खान अहिले फिल्म जीरोको सुटिङमा व्यस्त छन् । आनन्द एल रोयको यो फिल्ममा शाहरुखसँग अनुष्का शर्मा र कटरिना कैफ देखिँदैछन् । फिल्मको सुटिङ सकिएको छ र पोस्ट प्रोडक्सनको काम भइरहेको छ । यही बीचमा शाहरुख एक अन्तरवार्ताका कारण चर्चामा छन् । इकोनोमिक टाइम्सलाई दिएको अन्तरवार्तामा शाहरुखले आफूले हलिउडमा काम गर्ने विषयमा ठूलो खुलासा गरेका छन् ।

शाहरुखसँग उनलाई पनि हलिउडको अफर आएको छ भनी सोधिएको प्रश्नमा उनले भनेमा छन् ‘यदि उनीहरुले मलाई काम गराउनु छ भने मसँग आउन्, म उनीहरुसँग जान सक्दिन । मैले हरेक दिन चन्द्रमा देख्छु तर त्यसलाई छुन सक्दिन । हलिउडमा काम गर्ने संस्कार ओम पुरीले सुरु गर्नुभएको हो । अहिले प्रियंका चोपडा पनि गर्दैछिन् । इरफान खान पनि हलिउडमा काम गर्छन् । नवाजुद्दिन सिद्दिकीले पनि एक फिल्ममा काम गरेका छन् । अमितजी, अनुपम खेरले पनि हलिउडमा काम गर्नुभएको छ ।’

शाहरुखले अगाडि भने ‘मलाई आफू हलिउडको लागि फिट छु जस्तो लाग्दैन । (हाँस्दै) शायद मेरो इङलि थोरै कमजोर छ । म बलिउड फिल्मको बारेमा मात्र सोच्छु । मलाई राम्रो लाग्नेछ कुनै दिन टम क्रुजले भनुन् मलाई हिन्दी फिल्म गर्नुछ । यो निशै शानदार पल हुनेछ । इंशाअल्लाह, यो एक दिन पक्का हुनेछ ।’