एजेन्सी। दक्षिण भारतीय ब्लकबस्टर फिल्म बाहुबलीपछि दक्षिण भारतीय फिल्म उद्योगले अर्को ब्लकबस्टर फिल्म ल्याउने तयारी गरिरहेको छ। फिल्ममा आधा दर्जनभन्दा बढी सुपरस्टार हुनेछन् । सुपरस्टार चिरञ्जीवीले यो धमाकेदार फिल्म ल्याउन लागेका हुन् । फिल्ममा भारतका पहिलो विद्रोहीको कथा हुनेछ जसले उतिबेला अंग्रेजको जग हल्लाइदिएका थिए।

भिरञ्जीवीको पिरियड ड्रामा फिल्म ‘शेरा नरसिम्हा रेड्डी’को टिजर जारी भएको छ । १८ औं शताब्दीका यी योद्धाको फिल्म २०१९ मा रिलिज हुनेछ । फिल्ममा दक्षिण भारतीय स्वतन्त्रता सेनानी उयाल्लवाडा नरसिंहा रेड्डीको जीवनकथा हुनेछ जसले १८४६ मा अंग्रेजविरुद्ध विद्रोह सुरु गरेका थिए । चिरञ्जीवीका आफ्नै छोरा तेलुगु सुपरस्टार राम चरण तेजाले निर्माण गर्ने फिल्मलाई सुरेन्द्र रेड्डीले निर्देशन गर्दैछन् ।

यो फिल्म पनि बाहुबलीजस्तै फिल्म हिन्दी, तेलुगु र तमिल भाषामा रिलिज हुनेछ । फिल्ममा उयाल्लवाडा नरसिंहा रेड्डीको भूमिका स्वयं चिरञ्जीवीले गर्नेछन् । फिल्ममा उनका छोरा राम चरण तेजासँगै बलिउडका महानायक अमिताभ बच्चन, विजय सेतुपति, जगपति बाबु, नयनतारा, तमन्ना भाटिया, सुदिप संजीव, हुमा कुरेशी, रवि किशन जस्ता आधा दर्जनभन्दा बढी सुपरस्टारहरु हुनेछन् । फिल्मको टिजर हेर्नुहोस् –