एजेन्सी । बलिउडका सुपरस्टार सलमान खान चलचित्रमा लागेको पनि ३० वर्ष पूरा भएको छ। बलिउडमा उनलाई सुपरस्टार मात्रै होईन गड फादर र समाजसेवीको रुपमा पनि चिनिँने गरिन्छ।

३० वर्ष अगाडि चलचित्र ‘बीवी हो तो ऐसी’ बाट बलिउडमा डेब्यु गरेका खानको उक्त चलचित्र सन् १९८८ मा प्रर्दशनमा आएको थियो। नायिका रेखा र अभिनेता फारुख शेखको मूख्य भूमिका रहेको यो चलचित्रमा सलमान खान फारुख शेखको भाईको भूमिकामा देखिएका थिए।

यो चलचित्रले बलिउड बक्स अफिसमा थुप्रै रेकर्डहरु राखेको थियो भने सलमान खानको डेब्यु अभिनय पनि दर्शकले निकै मन पराएका थिए।त्यसपछि सुरज बड्जात्याको निर्देशनमा बनेको चलचित्र ‘मैने प्यार किया’ मा उनले मुख्य भूमिकामा रहेर काम गरे। उक्त चलचित्र सुपरहिट भएसँगै सलमान खान सुपरस्टार बन्न पुगेका हुन्।

त्यसपछि २०१० मा प्रदर्शनमा आएको चलचित्र ‘दबंग’ सलमान खानको कयिरको टर्निङ पोइन्ट बन्न पुग्यो। चलचित्र ‘दबंग’ ले सलमानलाई बलिउड चलचित्र उद्योगमा निकै उचाइमा पुर्यायो। अहिले सुपरस्टार सलमान खान विश्वभरीका अभिनेता मध्य धेरै आम्दानी गर्ने अभिनेताको सूचिमा ९ औं स्थानमा पर्ने एक अध्ययनले देखाएको छ।

सलमान खानको एक वर्षको कमाई २३२.८३ करोड भरतीय रुपैयाँ हुने गरेको विश्व चर्चित फोब्र्स म्यागेजिनले जनाएको छ। पछिल्लो समय सलमान खान कट्रिना केफलाई साथमा लिएर चलचित्र ‘भारत’को छायांकनमा व्यस्त रहेका छन्।