मुम्बइ। सलमान खान र कट्रिना कैफको जोडी आगामी फिल्म भारतमा देखिनेछ । अली अब्बास जफरद्वारा निर्देशित यो फिल्मको सुटिङ अहिले माल्टामा चलिरहेको छ । सुटिङमा सलमानसँग उनकी आमा सलमा र बहिनी अर्पिता पनि गएका छन् । यी दुवैको कट्रिनासँग राम्रो सम्बन्ध छ । यसको प्रमाण सलमानकी बहिनी अर्पिताले इन्स्टाग्राममा पोस्ट गरेको फोटोमा पनि देख्न सकिन्छ ।

फोटोमा कटरिना र सलमा एक अर्कालाई अंकमाल गर्दै गरेका देखिएका छन् । अर्पिताले जब यो फोटो पोस्ट गरिन् सामाजिक संजालमा उनीहरुलाई ट्रोल गर्न थालियो । केही फ्यानले त कट्रिना र सलमालाई सासु बुहारी समेत भनिदिए । ट्रोल हुन थालेपछि अर्पिताले इन्स्टाग्रामबाट यो फोटो नै डिलिट गरिन् ।