एजेन्सी । इन्डियन आइडल १० मा जजको भूमिकामा रहेका भारतका सफल संगितकार मध्येका एक अनु मलिकले सो रियालिटी शोका पूर्व सहभागी खुदा बक्सलाई आफ्नो आगामी फिल्म पलटनमा गीत गाउने अवसर दिएका छन्।

खुदा बक्स इन्डियन आइडलको गत वर्षको सिजनमा फाइनलिस्ट थिए। खुदा बक्स निर्देशक जेपी दत्ता, जावेद अख्तर र सोनु निगमसँगै इन्डियन आइडलको सेटमा पलटन फिल्मको प्रमोसनका लागि पुगेका थिए।

अनुले सो कार्यक्रममा भने, ‘मैले जब उनलाई गाउनका लागि भने, उनी स्टुडियोमा आए गीत रेकर्ड गराए। मलाई विश्वास छ यीनको भविश्य शानदार हुनेछ।’

इन्डिन आइडलमा सहभागी भएपछि खुदा बक्स चर्चामा आएका हुन्। गरीव परिवारका उनी इन्डियल आइडलकै कारण हाल चर्चित बनेका हुन्। उनको गरिवीको अनुमान यसबाटै गर्न सकिन्छकी उनकी आमा अर्काको घरमा काम गरेर घर खर्चि चलाउँछिन्।

कुनै बेला खुदा बक्सको घरमा खानेकुरासमेत नभएको भारतीय सञ्चारमाध्यमले जनाएका छन्।

खुदा बक्स ५ वर्षका हुँदा उनका बाबुको निधन भएको थियो । एक संघर्षपूण यात्रा गरेका खुदा बक्स बलिउडमा सफलताका लागि संर्घष गरिरहेका छन् । अनु मलिक जस्ता संगीतकारको साथले उनी सफल हुने विश्वास गरिएको छ।

डिसी नेपाल डटकमबाट साभार