एजेन्सी । अभिनेत्री माधुरी दीक्ष‍ित र अभिनेता सञ्जय दत्त २१ वर्षपछि एकसाथ देखिँदैछन् । करण जोहरको फिल्म ‘कलंक’ मा पूर्व रियल प्रेम-प्रेमिकाले सँगै काम गर्ने केही दिनयता चर्चा थियो ।

पिंकविलाको रिपोर्ट अनुसार, अभिनेता-अभिनेत्रीले फिल्मका लागि एकसाथ सिन सुट गरेका छन् । यसबारे अहिलेसम्म कुनै आधिकारिक जानकारी भने प्राप्त भएको छैन । केही दिन अगाडि सञ्जयसँग लामो समयपछि फिल्म गर्दा कस्तो अनुभव रह्यो ? भन्दै माधुरीलाई प्रश्न गरिएको थियो । उनले सिधा बोल्न हिचकिचाउँदै भनिन्, ‘कलंक’ मा सञ्जयका अलावा वरुण धवन र आलिया भट्ट पनि छन् ।’

खबरअनुसार, माधुरीले सञ्जयसँग सिन नहुने शर्तमा मात्र करणको फिल्म गर्न राजी भएकी थिइन् । सञ्जयको जीवनमा माधुरीको महत्वपूर्ण भूमिका छ तर, यी दुईले कहिल्यै यस विषयमा कुनै अफिसियल कमेन्ट गरेनन् ।

हालै प्रदर्शनमा आएको सञ्जयको बायोपिक ‘सञ्जू’ मा पनि माधुरीसँग जोडिएको एक सिन थियो, तर माधुरीले र‍िक्वेस्ट गरेपछि त्यसलाई हटाइएको थियो । सञ्जय-माधुरीबीच लामो समयसम्म अफेयर रहेको थियो ।