एजेन्सी । तस्बिर देख्दा लाग्छ, यिनी त प्रियंका चोपडा नै हुन् । तर, पत्याउनुस्, होइन । यिनको कपालको स्टाइल, शारीरिक बनावट, पहिरन, जे हेर्यो त्यही ठ्याक्कै प्रियंका चोपडाको जस्तै देखिन्छिन् ।

झट्ट हेर्दा उनी दुरुस्त प्रियंका जस्तै देखिन्छन् । यो तस्बिर वा उनलाई देखेपछि १०० मा ८० % मानिस झुक्किन्छन् ।

त्यसो भए को हुन् त यिनी ? यिनी हुन, नभप्रीत बांगा । क्यानडामा बस्ने २१ वर्षकी बांगा फिटनेससम्बन्धी लेख्ने सामान्य ब्लगर हुन् । उनका तस्बिर हेर्दा ठ्याक्कै अभिनेत्री प्रियंका चोपडाजस्तै लाग्छ । तर, उनलाई आफ्नो तस्बिर देख्दा चिडचिडाहट हुन्छ रे !

यतिसम्म कि, प्रियंकासँग तस्बिर मिलेकै कारण उनले विभिन्न प्रश्नहरूको सामना गर्नुपरेको छ । उनलाई इन्स्टाग्राममा १८ हजारले फलो गरेका छन् । अन्य सोसल साइटहरूमा उनलाई प्रियंका भनेर भनेर पछ्याउनेको संख्या ठूलो छ ।