मुम्बइ। वेब सिरिज राखिनी एमएमएस रिटर्नसकी हिरोइन करिश्मा शर्मा हालै छुट्टि मनाउन हिमांचल प्रदेशको धर्मशाला गएकी थिइन् । त्यहाँ एउटा डरलाग्दो घटना भएपछि उनी ट्रिप बीचमै छोडेर मुम्बइ फर्किएकी छिन् । करिश्माका अनुसार उनी एक साथीसँग धर्मशाला गएकी थिइन् । त्यहाँ बजारमा घुम्दै गर्दा १५ जना केटाहरु उनको पछि लागेका थिए ।

करिश्मा आत्तिएर त्यहाँबाट भागिन् । बाटोमा उनले एक पुलिस जवान भेटिन् । उनले जवानलाई केटाहरु आफ्नो पछि लागेको बताइन् तर ती पुलिसले उल्टै ‘को पछि लागेको छ ? यहाँ त कोही पनि छैन’ भने । ती पुलिसको जवाफ सुनेर आफू जिल्ल परेको उनले बताइन् । त्यसपछि उनी पुनः भोलिपल्ट अर्कै ठाउँमा गइन् । त्यहाँ पनि उनलाई लाग्यो कि कसैले उनीहरुको पिछा गरिरहेको छ । पछि फर्केर हेर्दा त्यहाँ पनि उनै केटाहरु थिए । यो डरलाग्दो घटनापछि करिश्मा २ दिनअघि नै ट्रिप रद्द गरेर मुम्बइ फर्किएकी छिन् । -dcnepal