एजेन्सी । बहु प्रतिक्षित चलचित्र ‘ठग्स अफ हिन्दुस्तान’ लाई दर्शकहरुले अत्यधिक प्रतिक्षारत गरिरहेका छन् । फिल्मले यतिबेला धेरैको ध्यान खिचेको छ । कारण यस चलचित्रमा बलिउडका २ महान हस्ती अमिताभ बच्चन र आमिर खान एक साथ देखिदै छन् ।

अन्ततः फिल्मको तेस्रो पोस्टर सार्वजनिक गर्दै आमिर खानको लूक सार्वजनिक गरिएको छ । फिल्ममा आमिर फिरंगीको भूमिका देखिँदैछन् । आमिर खानको लुकको मोशन पोस्टर आज रिलीज भएको हो । जसलाई आमिर खानले आफ्नो इंस्टाग्राम बाट शेयर गरेका हुन् ।

यसभन्दा पहिले अमिताभ बच्चन र क्याट्रिनाको मोसन पोस्टर रिलिज भैसकेको छ ।

विजय कृष्णा आचार्यले निर्देशन गरेको यो फिल्ममा पहिलोपटक आमिर खान र अमिताभ बच्चनलाई देख्न पाइने भएको छ । फिल्ममा क्याटरिना कैफ पनि महत्त्वपूर्ण भूमिकामा छिन् ।

फिल्म ८ नोभेम्बरमा रिलिज हुँदैछ ।