काठमाण्डौ । दिग्गज अभिनेता राज कपूरकी श्रीमती तथा अभिनेता रणबीर कपूरकी हजुरआमा कृष्णाराज कपूरको निधन भएको छ । ८७ वर्षीया कृष्णाराज कपूरको उपचारका क्रममा सोमबार निधन भएको हो ।

उनी अभिनेता राज कपूरसँग सन् १९४६ मा विवाह बन्धनमा बाँधिएकी थिइन् । उनका तीन छोरा ऋषि कपूर, रणधिर कपूर र राजिव कपूर छन् त्यस्तै २ छोरी रितु नन्दा र रीमा कपूर छन् ।

लामो समयदेखि स्वास्थ्य खराब भएर अस्पतालमा भर्ना गरिएकी उनको आज बिहान ५ बजे निधन भएको हो । अभिनेत्री रविना टण्डनले ट्वीटरमार्फत कपूरको निधनको खबर दिएकी थिइन् ।

कृष्णाको ‘कार्डियक अरेस्टका कारण निधन भएको हो । बलिउड लगाएत सम्पूर्ण कपूर परिवार शोकमा डुबेको छ ।