मुम्बइ। बलिउडकी हट अभिनेत्री विपाशा बसु लामो समयदेखि फिल्मबाट टाढा छिन्। विपाशा पछिल्लो पटक २०१५ मा रिलिज भएको फिल्म अलोनमा देखिएकी थिइन्। यो फिल्ममा उनको अपोजिट रोलमा उनकै पति करण सिंह ग्रोवर थिए। २०१६ मा यी दुईले विवाह गरे। करण बलिउडमा विपाशाभन्दा पनि सिनियर हुन्। तर, अनुभव र सम्पत्तिको कुरामा भने विपाशा करणभन्दा निकै अगाडि छिन्। विपाशाको सम्पत्ति पति करणको भन्दा ७ गुणा धेरै भएको बताइएको छ।

मिडिया रिपोर्टका अनुसार विपाशाको नेटवर्थ १५ मिलियन डलर अर्थात् १०८ करोड भारतीय रुपैयाँ छ। उनका पति करण सिंह ग्रोवरको सम्पत्ति भने १४.५ करोड मात्र छ। विपाशासँग अहिले कुनै फिल्म छैनन् तर उनीसँग मल्टिनेशनल कम्पनीका विज्ञापन छन्। विपाशासँग ओडी ७, पोर्शे, फक्सवेगन, बिटल जस्ता सुविधासम्पन्न र महंगा गाडीहरु छन्। यसका अलावा मुम्बइको पाश इलाकामा विपाशाका २ घर छन्। उनीसँग कोलकातामा पनि उक घर छ। उनी मुम्बमा अर्को पनि घर किन्ने तयारीमा भएको बताइएको छ।

विपाशा विभिन्न स्टेश शोमा गइरहन्छिन्। उनले एक स्टेज शोको २ करोड लिन्छिन्। विपाशा ४० भन्दा बढी म्यागजिनको कभरपेजमा पनि देखिइसकेकी छिन्। रिपोर्टका अनुसार करण र विपाशा फिल्म आदतमा एकसाथ देखिन सक्छन्। विपाशा अहिले पनि फिल्मको २ देखि ३ करोड चार्ज लिन्छिन्। उता करणले भने एक दिनको शुटको लागि ८० हजार लिन्छन्।