काठमाडौँ । ‘नेपाल आईडल’ को दोश्रो शृङ्खला नेपाल आइडल–२ हरेक हप्ताको दुई दिन बिहिबार र शुक्रवार राती ८ः३० बजे एपिवान एचडीबाट प्रसारण भइरहेको छ। हालको समयमा यस शो ले निकै नै चर्चा पाइरहेको छ।

अन्तराष्ट्रिय फ्रेन्चाईज शो नेपाल आईडलको हिजोको १७ औँ एपिसोडमा नेपाली सिने जगतका चर्चित हाँस्य कलाकार तथा निर्माताद्वय दिपकराज गिरी र केदार घिमिरे उर्फ माग्ने बुढा पनि गेष्ट जजको रुपमा उपस्थित भएका छन्। यी दुईले आफ्नो कमेडीले स्टेजनै तताए भने सुरु देखि अन्त्यसम्ममै सब हाँसेको हाँस्यै भएका थिए। साथै सबै प्रतियोगीलाई हौसला समेत दिए।

नेपाल आइडलको हिजोको एपिसोडमा टप ११ प्रतियोगीले आफ्नो दमदार प्रस्तुती दिएका छन् र आफ्नो प्रस्तुतीले कतिले जजहरुको मन जित्न सफल भएका थिए त कतिले सकेनन्। ती मध्ये आज हामी यस भिडियोमा अस्मिता अधिकारीको दमदार तथा मनछुने प्रस्तुती देखाउँदैछौँ।

अस्मिताले हर्क्युलिस बस्नेतको आवाजमा रहेको गीत ूचाहन्छु तिमीलाई।।ू गाएका थिइन। उनले गीत गाइरहँदा नेपाल आइडलको पुरै माहोल नै स्तब्ध बनेको थियो। उनले गाएको सुनेर जज इन्दिरा साथै अरु सबैजना भावुक बनेका थिए। अझ जज न्हयु बज्राचार्य त स्टेजमै पुगेर अस्मितालाई अङ्गालो हाल्दै बढाई तथा शुभकामना दिएका थिए।

(हेर्नुहोस् भिडियो)