मुम्बइ। कमेडियन कपिल शर्मा आफ्नो चर्चित कमेडी शो ‘द कपिल शर्मा शो’ लिएर छिटै आउँदैछन्। हालै कपिलले ट्वीटरमा यसबारे लेखेका थिए।

सोनी च्यानलका प्रवक्ताले पनि यो कुराको पुष्टि गरेका छन्। यही बीचमा कपिलको विषयमा अर्को ठूलो खबर आएको छ। कपिलले २०१८ भित्रै बिहे गर्दैछन्। खबरअनुसार कपिलले गर्लफ्रेण्ड गिन्नी चतरथसँग २०१८ को अन्तिमसम्म बिहे गर्दैछन्।

कपिलको नजिकका साथीको हवाला दिँदै भारतीय दैनिक भाष्करले लेखेको छ। ‘अब कपिलको जीवन निकै राम्रोसँग चलिरहेको छ। यो कुरालाई असैले इन्कार पनि गर्दैन कि केही महिना अघिसम्म कपिल आफैं निश्चित थिएनन् कि उनी जीवनमा कोसँग अघि बढ्नुपर्छ।

उनको जीवनमा गिन्नीसँगै प्रिती सिमोस पनि थिइन् । कपिल प्रितीसँग भावनात्मक रुपमा निकै नजिक थिए । साथमा उनी गिन्नीलाई पनि छोड्न सक्दैनथे किनकि गिन्नी कैयौं वर्षदेखि कपिलको साथमा थिइन् । गिन्नीसँग लामो समय बिताएपछि अन्ततः कपिलले गिन्नीसँगै अघि बढ्ने फैसला गरेका छन्। कपिलको बिहे मुम्बइमा नभइ पंजाबमा हुने बताइएको छ।