काठमाडौँ । मलेसियामा जारी आइसिसी विश्व टी २० एशिया छनोट समूह ‘बी’अन्तर्गतको पाँचौ खेलमा नेपाल आज चीनसँग भिड्दै छ।

नेपालले टसजितेर फिल्डिङ राजेको छ भने चीनले पहिले ब्याटिङ गर्दैछ। यस अघ भएका ४ वटा खेलमा नेपालले लगातार जित हात पारेको छ। पाँचौँ खेलमा पनि सफलता प्राप्त गर्न नेपाली क्रिकेट टोली उच्च मनोवलका साथ मैदानमा उत्रिएका छन्।

नेपालले यसअघि भुटान, म्यान्मा, आयोजक मलेसिया र थाइल्याण्डलाई पराजित गरेको छ। असोज २६ गतेसम्म मलेसियामा हुने प्रतियोगितामा नेपालसहित सिङ्गापुर, मलेसिया, भूटान, चीन, म्यान्मा र थाइल्याण्डबीच प्रतिस्पर्धा हुनेछ। राउण्ड रोबिनका आधारमा हुने प्रतिस्पर्धाबाट शीर्ष तीन टोली दोस्रो चरणको छनोटमा छानिने छन्।

(लाइभ भिडियो)