काठमाडौँ । नेपाली चलचित्र ‘छक्का पन्जा ३’ शुक्रबारदेखि प्रदर्शनमा आएको छ। छक्का पन्जा र ‘छक्का पन्जा २’ को सफलता पछि दीपक राज गिरि र दीपा श्री निरौलाले ‘छक्का पन्जा ३’ को निर्माण गरेका हुन्।

छक्का पन्जा र छक्का पन्जा २ कमाइको हिसाबले सफल भएतापनि समिक्षकले भने यी चलचित्रको आलोचना गरेका थिए। विशेष गरि महिला माथी व्यंग्य गरिएको र महिलाका मुद्दालाई हलुका बनाइएको ती चलचित्रलाई आरोप लागेको थियो।

चलचित्र युनिटले यस पटक अर्थात छक्का पन्जा ३ मा भने चलचित्रको कथाको लागि निकै मेहनत गरिएको र समाजको वास्तविक कथा निकालिएको बताएका छन्। छक्का पन्जा ३ मा शिक्षा सम्बन्धि मुद्दा उठाइएको छ।

रिलिजको पहिलो दिन चलचित्र छक्का पन्जा ३ हेरेका दर्शकले यो छक्का पन्जाकै सबैभन्दा राम्रो सिरिज भएको बताएका छन्। दर्शकले हाँस्यव्यंग्य मात्र नभएर समाजको एउटा मुद्दालाई उठान गरेकोमा चलचित्र युनिटलाई बधाई तथा धन्यवाद दिएका छन्।

दर्शकको प्रतिक्रियाले निकै उत्साहित भएको र यसपाली आलोचना कम हुने आशा रहेको निर्देशक दीपा श्री निरौलाले बताएकी छिन्।

(हेर्नुहोस् भिडियो)