एजेन्सी। विगत सात वर्षदेखि फिल्मबाट टाढा रहेकी अभिनेत्री आयशा टाकिया आइतबार मुम्बईको एक सैलुन बाहिर देखा परिन्। उनका केही फोटोसमेत सार्वजनिक भएका छन्, जुन फोटोमा उनी निकै मोटी देखिएकी छन्। त्यतिमात्रै होइन उनलाई चिन्न समेत मुश्किल भएको थियो। आयशाको फोटो यतिबेला सामाजिक संजालमा भाइरल भइहेको छ।

आयशा मोटाएको फोटो सार्वजनिक भएपछि उनका फ्यानले प्रश्न गरेका छन्–के भयो यस्तो कतै सर्जरी गराएको त होइनरु’ केही फ्यानले त उनको लुकलाई लिएर अश्लिल कमेन्ट पनि गरेका छन्। एक फ्यानले त उनलाई पानीको ट्यांकीसम्म भनेका छन्। कसैले उनलाई इण्डियन किम कार्दशियनसम्म भनेका छन्।

सामाजिक संजालमा युर्जसले आयशाको लुकको मजाक उडाएका छन्। एक फ्यानले उनलाई राखी सावंतसम्म भनेका छन्। आयशाले २००४ मा फिल्म टार्जर द वंडर कार बाट बलिउडमा कदम राखेकी थिइन्। त्यसपछि उनले दिल मांगे मोर, सोचना ना था, डोर, कैश, संडे, दे ताली, वान्टेड, पाठशाला जस्ता फिल्ममा अभिनय गरेकी छन्।

उनको अन्तिम फिल्म २०११ मा मोड रिलीज भएको थियो। आयशाकी आमा गुजराती र बुवा मुसलमान हुन्। उनले २००९ मा व्यापारी फरहान आजमीसँग विवाह गरेकी थिइन्। उनीहरुका एक छोरा पनि छन्।