काठमाडौँ। गीतसङ्गीत क्षेत्रमा एउटा चिरपरिचित नाम हो राजेश पायल राई। सानैदेखि कुशल गायक बन्ने सपना बोकेका राईले अहिले आफ्नो लक्ष्य पुरा गरिसकेका छन्। उनी सफल गायक मात्र नभई ‘राई इज किङ’को रुपमा पनि चिनिएका छन्।

विगत लामो समयदेखि उनी गीत सङ्गीत क्षेत्रमा निकै व्यस्त पनि देखिन्छन्। सुमधुर स्वरका धनी राजेश पायल राईले थुप्रै गीत बजारमा सार्वजनिक गरिसकेका छन्। उनको गीत दर्शकमाझ निकै लोकप्रिय बन्दै आएको छ। उनी अहिले चर्चाको शिखरमा छन्।

उनी अहिले आफ्नो नयाँ एल्बम ‘दर्शन नमस्ते ४’ को तयारी र विभिन्न देशहरूमा साङ्गीतिक कार्यक्रमका व्यस्त रहेका छन्। एक अन्तर्वार्तामा उनले अन्तराष्ट्रिय फ्रेन्चाइज शो आउनु नेपाली गीत सङ्गीतको लागि सुखद कुरा भएको बताएका छन्।

‘रियालिटी शोका आयोजक तथा जजहरुले निष्पक्ष मूल्याकंन गर्नुपर्छ। त्यस्तो गरिएन भने फ्रेन्चाइज शोको कुनै औचित्य रहने छैन’ उनले भनेका छन्।