एजेन्सी । बलिउड अभिनेता बरुण धवन र अभिनेत्री जानवी कपुर अब एकसाथ फिल्ममा देखिने भएका छन् ।

भारतीय मिडियाका अनुसार निर्देशक शशांक खेतान रहने यस फिल्मको घोषणा भने आउँदो वर्षको फेब्रअरीमा हुने भएको छ । यस फिल्मका लागि शशांकले अभिनेता वरुण धवनलाई फाइनल गरिसकेका छन् । अब भने वरुणसँग जान्भीलाई देख्न पाइने भएको छ ।

फिल्मको नाम भने ‘रणभूमि’ हुन सक्ने बताइएको छ ।

स्वर्गीय अभिनेत्री श्रीदेवीकी छोरी जान्भी कपूरले करण जोहरको धर्मा प्रोडक्शनको फिल्म ‘धडक’ बाट आफ्नो फिल्मी करियर सुरू गरेकी हुन् ।

‘धडक’को सफलतापछि जान्भीलाई धर्मा प्रोडक्शनबाट फिल्म ‘तख्त’ का लागि साइन गराइएको छ । ‘तख्त’ मा उनका साथमा करीना कपूर, रणवीर सिंह पनि देखिनेछन् ।