काठमाण्डौ । सलमान खानको सुपरहिट फिल्म ‘नो इन्ट्री’ को सिक्वेल बन्ने भएको छ । सन् २००५ मा आएको निर्देशक अनीश बज्मीको फिल्मको सिक्वेलमा अभिनेता सलमान खानले हैन अर्जुन कपूरले गर्ने भएका छन् ।

भारतीय मिडियाका अनुसार अर्जुनले ‘नो इन्ट्री’को सिक्वेलमा काम गर्न मञ्जुर भएका छन् । यस फिल्मको सिक्वलको घोषणा गर्दै निर्देशक अनीशले सलमानको स्थानमा अर्जुनलाई लिएको बताएका छन् ।

यस अघिको नो इन्ट्रीमा सलमान खान, फरदीन खान, अनिल कपूर, लारा दत्ता र विपाशा बसुले मुख्य भूमिका निभाएका थिए । फिल्मको सिक्वेलमा रोलका लागि भने नयाँ कलाकारको खोजी सुरू गरिएको छ । यसको सिक्वेलमा अनिल कपूर र अर्जुन मात्र कन्फर्म भएका छन् ।

यस फिल्म अर्जुनका पिता बोनी कपूरले प्रोड्युस गर्नेछन् । बोनीले नो इंट्री पनि प्रोड्युस गरेका थिए । यस फिल्मको शुटिङ आउँदो वर्षको सेप्टेम्बर देखि हुनेछ भने फिल्म २०२० मा प्रदर्शन हुने बताइएको छ ।