एजेन्सी । सुपरस्टार रजनीकान्त र अक्षय कुमारको अभिनय रहेको चलचित्र २.० को ट्रेलर शनिबार सार्वजनिक भएको छ। यस फिल्मको ट्रेलरलाई कयौँ भाषामा सार्वजनिक गरिएको छ।

चलचित्र २.० नोभेम्बर २९ मा प्रदर्शन हुने छ। यो चलचित्रमा रजनीकान्त र अक्षयसँगै एमी जैक्सन, आदिल हुसैन र सुधाशु पाण्डे पनि प्रमुख भूमिकामा देखिएका छन्। ट्रेलर सार्वजनिकका क्रममा रजनीकान्तले यस चलचित्रको निर्माण वजेटका बारेमा खुलासा गरेका छन्।

उनका अनुसार यो चलचित्र ६०० करोड (भारु)रुपैयाँमा निर्माण भएको छ। लाइका प्रोडक्शंसले निर्माण गरेको यस चलचित्रलाई पूर्णता दिनका लागि अन्धाधुन्ध पैसा खर्च गरिएको समेत उनले बताए।

रजनीकान्तले भने, यो चलचित्र रजनीकान्तको फिल्म हैन्, यसमा एक व्यक्ति शंकरको पैसा खर्च भएको छ। जुन आफ्ना दर्शनका लागि मनोरन्जन गराउनका लागि असफल भएनन्। उनको सहयोग गर्नका लागि म लाइकाको प्रशंसा गर्दछु।

चलचित्रमा रजनीकान्तले वैज्ञानिक र रोबटको भूमिका निर्वाह गरेका छन्।