काठमाण्डौ । बलिउड र साउथ इन्डस्‍ट्रीका दुई ठूला सुपरस्‍टार अक्षय कुमार र रजनीकान्तको फिल्म ‘२.०’ को ट्रेलर रिलिजसँगै सुपरहिट भएको छ । हिन्दी, तमिल र तेलगु भाषामा रिलिज भएको ट्रेलरमा अक्षय कुमार खतरनाक लुक्समा देखिएका छन् ।

ट्रेलर रिलिज कार्यक्रममा बोल्दै अक्षय कुमारले भने,- ‘‘२.०’ मा लागि मैले जति मेकअप गरेको छु, त्यति मैले अहिलेसम्मको जिन्दगीमा कहिल्यै गरिनँ ।’’

अक्षय कुमार यस फिल्ममा खलनायकको भूमिकामा देखिएका छन् । साथै, यो फिल्म उनको करिअरको पहिलो साउथ इन्डियन फिल्‍म पनि हो ।

अक्षयले फिल्ममा काम गर्नु चुनौतीपूर्ण रहेको बताएका छन् । उनलाई ‘२.०’ को ट्रेलरमा सेलफोन प्रयोग गर्नेहरुको दुश्मनको रुपमा देख्न सकिन्छ । फिल्मलाई एस शंकरले निर्देशन गरेका हुन् । फिल्ममा रजनीकान्त र अक्षय कुमारका अलावा अभिनेत्री एमी ज्याक्सन पनि प्रमुख भूमिकामा छिन् ।