काठमाण्डौ । आजभोली सामाजिक सञ्जालमा शेयर गरेका फोटोहरुको कारण सेलिब्रेटी धेरै ट्रोलको शिकार भएका छन् । कलाकार ट्रोलको शिकार हुनु असामान्य कुरो होइन् ।

तर, बलिउड अभिनेत्री दिशा पटानी भने एक अनौंठो कारणले ट्रोलको शिकार भएकी छन् । उनले सामाजिक सञ्जाल इन्स्टाग्राममा पोष्ट गरेको एक तस्बिरका कारण ट्रोलको शिकार भइन् ।

सोमबार उनले सार्वजनिक गरेको उक्त फोटोमा दिशाले तिहारको मौका पारेर लेहेंगा लगाएकी थिइन् । उनले हातमा दियो लिएर लेहेंगा लगाएको फोटो शेयर गरिन् । उनले लेहेंगाका साथमा चोलीको सट्टा स्पोर्टी ब्रा लगाएका कारण ट्रोलको शिकार भएकी हुन् ।।

दिशालाई कमेन्ट बक्समा नचाहिँदा टिप्पणी पनि आए । यस फोटोमा मान्छेहरुले उल्टो–उल्टो कमेन्ट गरेको भन्दै उक्त फोटोलाई दिशाले प्राइभेट गरेकी छन् । उनले नराम्रा टिप्पणीबाट बच्न यसो गरेको भारतीय सञ्चारमाध्यमले लट काटेका छन् ।