एजेन्सी। यदि तपाइँलाइ लाग्छ कि बलिउडमा मात्रै परिवारका धेरै जना फिल्मी करिअरमा छन् भने तपाइँ गलत हुनुहुन्छ । दक्षिण भारतीय फिल्म उद्योगमा पनि यस्ता थुप्रै सुपरस्टार जोडीहरु छन् जो वास्तविक जीवनमै दाजुभाइ र दिदीबहिनी हुन् । आउनुहोस् यस्ता केही सुपरस्टारको बारेमा जानौं जो दाजुभाइ वा दिदीबहिनी हुन् ।

१. चिरन्जीवी र पवन कल्याणः टलिउडको सुपरस्टार दाजुभाइको जोडीमध्ये सबैभन्दा चर्चित जोडी यो नै होला । सलमान खानको ‘दबंग’ फिल्मको ओरिजिनल ‘गब्बर सिंह’का हिरो पवन कल्याण टलिउडका ‘बोस’ चिरन्जीवीका साख्खै भाइ हुन् ।

२. श्रुती हसन र अक्षरा हसनः टलिउडमा यी दुई निकै बलियो फिल्मी परिवारका सन्तान हुन् । केही बलिउड फिल्ममा समेत काम गरिसकेकी श्रुती हसन र अक्षरा हसन टलिउड सुपरस्टार कमल हसनका छोरीहरु हुन् ।

३. सूर्या र कार्तीः बलिउडमा अजय देवगनको सुपरहिट फिल्म सिंघमको ओरिजिनल तमिल सिंघमका ‘बाजीराव’ सूर्या र ‘थिरन’ सुपरस्टार कार्ती अर्थात कार्तिक शिवकुमार पनि साख्खै दाजुभाइ हुन् ।

४. काजल अग्रवाल र निशा अग्रवालः बलिउडमा सिंघममा बजय देवगनसँग काम गरिसकेकी सुपरस्टार काजल अग्रवाल र निशा अग्रवाल पनि साख्खै दिदीबहिनी हुन् । काजल टलिउडमा सुपरस्टार भइसके पनि निशा भने स्थापित हुन सकेकी छैनन् ।

५. नागा चैतन्य र अखिल अक्किनेनीः हालै टलिउडकी सुपरस्टार हिरोइन समंथा रुथ प्रभुसँग बिहे गरेका साउथ सुपरस्टार नागा चैतन्य र अखिल अक्किनेनी पनि साख्खै दाजुभाइ हुन् । यी दुवै टलिउड सुपरस्टार नागार्जुनका छोरा हुन् ।

६. राम चरण र अलु अर्जुनः राम चरण र अल्लु अर्जुन दाजुभाइका छोरा हुन् । कजिन दाजुभाइ भएर पनि यिनीहरुको व्यवहार भने साख्खै दाजुभाइको जस्तो छ । आर्या, मगधीरा, चिरुथा, रेस गुर्राम जस्ता फिल्ममा यी दाजुभाइको क्यारेक्टर पनि उस्तै देखिन्छ ।

७. आर्या र सत्याः तमिल सुपरस्टार र फिल्म निर्माता आर्या र सत्या दाजुभाइ हुन् । यी दुईमध्ये आर्या जेठा हुन् । आर्याले मलायालम फिल्म समेत बनाउँछन् ।