काठमाण्डौ । नग्न तस्विरका कारण चर्चित एवं विवादित बनेकी अर्चना पनेरु अभिनित चलचित्र ‘जिस्म’को सिक्वेल ‘जिस्म २’ निर्माण हुने भएको छ । ‘जिस्म २’ को छायांकन पोखरामा भइरहेको हो ।

यस चलचित्रमा अर्चना नभइ अर्की नायिका रेजिना भण्डारीले मुख्य भूमिका निभाउँदै छिन् । यस्तै रमेश विश्वकर्मा रेजिनाको अपोजिट भूमिका गर्दैछन् । यी दुबैले यस चलचित्रबाट अभिनयमा डेब्यू गर्न लागेका हुन् ।

फिल्ममा अनिल राईको नृत्य, योगेश काजीको संगीत रहेको छ । कथाको माग अनुसार फिल्ममा ग्ल्यामर सिन पनि राखिएको निर्माता गिरी बताउँछन् ।

तश्बिरमा नव-अभिनेत्री रेजिनालाई बोल्ड अवतारमा देख्न सकिन्छ । फिल्ममा उनले अर्चनाभन्दा ग्ल्यामर सिन दिएको निर्माता गिरीको दाबी छ । आधाउधी छायांकन सकिएको फिल्मलाई नयाँ वर्षमा ल्याउने निर्माण टिमको तयारी छ ।