मुम्बइ। शाहरुख खानको आउन लागेको फिल्म ‘जीरो’को दोस्रो गीत रिलिज भएको छ । यही डिसेम्बर २१ मा रिलिज हुन लागेको फिल्मको दोस्रो गीत इश्कबाजी रिलिज भएको हो । गीतमा एउटै पर्दामा बलिउडका दुई खान सलमान खान, शाहरुख खानसँगै टप कोरियोग्राफरहरु गणेश आचार्य, रेमो डिसुजा पनि देखिएका छन् ।

इरशाद कामिलको शब्दमा अजय अतुलले संगीत भरेको गीतमा सुखविन्दर सिंह र दिव्या कुमारले स्वर दिएका छन् । फिल्ममा शाहरुख पुड्को व्यक्ति बउवा सिंहको भूमिकामा छन् । फिल्ममा सलमान खानको अतिथि भूमिका छ । फिल्ममा शाहरुखको अपोजित दुई हिरोइनहरु कटरिना कैफ र अनुष्का शर्मा छन् । अनुष्का वैज्ञानिक र कटरिना सुपरस्टार हिरोइनको रुपमा फिल्ममा देखिनेछन् । हेर्नुहोस् गीत –