चर्चित हलिउड अभिनेता मोर्ग्यान फ्रिम्यान यतिबेला काठमाण्डौमा छन् । आफ्नो टिभी सेरिज ‘द स्टोरी अफ गड’ को सुटिङका लागि उनी काठमाडौं आएको बताइएको छ ।

यसैबिच उनको एक फोटो सार्वजनिक भएको छ, जसमा मोर्ग्यान नेपाली पोसाक दौरा सुरुवालमा सजिएका छन् । नेपालका लागि अमेरिकी राजदुतावासको ट्वीटर अकाउन्टबाट सार्वजनिक भएको सो फोटो सुटिङकै क्रममा लिइएको अनुमान गर्न सकिन्छ ।

८१ वर्षीय फ्रिम्यानले ‘सस्याङ्क रिडेम्प्सन’, ‘मिलियान डलर बेबी’ र ‘ड्राएभिङ मिस डेजी’लगायत फिल्म खेलेका छन् । उनले सन् २००४ मा मिलियन डलर बेबीमा सर्वोत्कृष्ट सपोर्टिङ एक्टरको अस्कर जितेका थिए ।