बलिउड फिल्मबाट कथा, पोस्टर र नाम प्रभावित वा चोरिएको आरोपबाट नेपाली फिल्म टाढा रहन सकेको छैन । यसपटक भने नेपालमा निर्माण भएर पनि प्रदर्शन भइरहेको एक फिल्मको नाममा बलिउड फिल्म निर्माण हुने भएको छ । अभिनेता आकाश श्रेष्ठको फिल्म ‘ड्रिम गर्ल’ नाममा बलिउड फिल्म बन्न लागेको हो ।

ुबधाई होु, ुअन्धाधुनु जस्ता हिट फिल्म दिएका अभिनेता आयुष्मान खुरानाले उक्त फिल्म गर्न लागेका हुन् । सोमवार उनले आफ्नो नयाँ प्रोजेक्टको पोस्टर सार्वजनिक गरेका छन् । पोस्टर हेरेपछि दर्शकमा फिल्मप्रति उत्सुकता बढेको छ । पोस्टरमा आयुष्मान पहिलो पटक साडी लगाएर स्कुटरमा बसेका छन् ।

पोस्टरको ब्याकग्राउन्डमा रामलिला समितिको बोर्ड देख्न सकिन्छ । छेवैमा जीवन(मरणको नामको एक पसल देखिएको छ । आयुष्मानको अहिलेसम्मको फिल्मी रेकर्डलाई हेर्ने हो भने ‘ड्रिम गर्ल’ को पोस्टरलाई देखेर एकपटक फेरि इन्टरटेन्मेन्टको फुल डोज मिल्ने अनुमान लगाउन सकिन्छ ।

एकता कपूरको यो फिल्मबाट लेखक राज सान्डिल्य निर्देशनमा डेब्यु गर्दैछन् । यस फिल्ममा आयुष्मान पहिलो पटक एक्ट्रेस नुसरत भरुचासँग रोमान्स गर्दैछन् । फिल्मको कहानी मेरठको हो । ‘ड्रिम गर्ल’ निर्माणमा एकतालाई शोभा कपूर र आशीष सिंहले साथ दिएका छन् ।