काठमाडौँ । भनिन्छ कलाकारहरु राष्ट्रका गहना हुन् । हिजोआज कलाकारहरुको जीवनस्तरमा पनि राम्रै परिवर्तन आएको पाइन्छ । चलेका कलाकारहरु हिजोआज कोही पनि पैदन हिँड्दैनन् ।

नेपाली फिल्म निर्माणमा आएको तीव्रता, फिल्म तथा कलाकारको स्वदेश तथा विदेशमा मागका कारण पनि सेलिब्रेटीको जीवनशैलीमा केही वर्षयता ह्वात्तै परिवर्तन आएको हो । यसैबिच कलाकारहरुमध्ये कार फेरिफेरी चढ्ने अभिनेतामा अग्रस्थानमा आउँछन् भुवन केसी । हिरो बन्नुअघि नै कार चलाउने भुवनले बजारमा नयाँ मोडलको कार आउनेबित्तिकै खरिद गर्ने गरेका छन् ।

त्यस्तै उनका छोरा अनमोल बाइकका सौखिन हुन् । उनीसँग १५ लाख मूल्य पर्ने दुइटा महँगा बाइक छन् । उनी कहिलेकाहीँ बाबुको कार लिएरसमेत हिँड्ने गरे पनि अधिकांश समय आफ्ना शानदार बाइकमा नै सवार हुन्छन् । त्यस्तै अभिनेत्री पूजा शर्मा, रेखा थापा, लगायतका कलाकारहरु पनि फेरी फेरीस् कार चढ्दै आएका छन् ।