फिल्म ‘२.०’लाई विश्वभर निकै रुचाइएको छ । सुपरस्टार रजनीकान्त र अक्षय कुमार स्टारर फिल्म ‘२.०’ रिलिज भएसँगै बक्सअफिसमा धूम मच्चाइरहेको छ ।यसले ुबाहुबलीु पार्ट २ को रेकर्ड समेत तोडीसकेको छ । फिल्मले वर्ल्डवाइड ५ सय करोड कमाएको छ । फिल्मको हिन्दी भर्सनको कमाई पनि जबरजस् भएको छ ।

फिल्मले हिन्दी भर्सनमा पहिलो हप्ता नेट १ सय ३९ करोड ७५ लाख कमाएको छ । फिल्मले प्रदर्शनको पहिलो दिन २०।२५ करोड, दोस्रो दिन १८ करोड, तेस्रो दिन २५ करोड, चौथौं दिन ३४ करोड, पाँचौं दिन १३।७५ करोड, छैटौं दिन ११।५० करोड, सातौं दिन ९।५० करोड र आठौं दिन ७।७५ करोड आफनो बनाएको छ ।

फिल्मले प्रदर्शनको पहिलो दिन नै वर्ल्डवाइड सय करोडको कमाई गरेको थियो । देश तथा विदेशमा कयौं ठाउँमा विभिन्न भाषामा फिल्म रिलिज भएको छ । फिल्मलाई चार दिने विकेन्ड मिलेको थियो । पहिलो पटक रजनीकान्त र अक्षयले यो फिल्ममा सँगै काम गरेका हुन् ।

एस शंकर निर्देशित ‘२.०’ फिल्म रोबोटु को सिक्वेल हो । फिल्म टेक्निकल रुपबाट निकै तगडा छ । भिजुअल ट्रिट कमालको छ । भिएफएक्सको निकै प्रयोग गरिएको छ । फिल्ममा एक्सनसँगै रोबोट रोमान्स पनि देखाइएको छ । एमी ज्याक्सन फिल्ममा लिड एक्ट्रेसको रोलमा छिन् ।