एजेन्सी। अर्जेन्टिना र बार्सिलोनका स्टार फुटबलर लियोनल मेसीका बालक फ्यानलाई तालिबान समर्थित आतंकवादी समूहले मार्ने धम्की दिएको छ। अफगानीस्तानका सात वर्षीय मुर्तजा अहमदीलाई ताबिानले टुक्र टुक्रा पार्ने धम्की दिएको अन्तर्राष्ट्रिय संचारमाध्यमले जनाएका छन्। यही कारण सात वर्षीय मुर्तजा दोस्रो पटक घर छोड्न बाध्य भएका छन्।

२०१६ मा पनि उनको परिवारले देश छोड्नु परेको थियो। मुर्तजाले दुई वर्ष पहिला प्लास्टिकको थैलीबाट बनेको अर्जेन्टिनी फुटबल टीमको जर्सी लगाएका थिए। त्यसपछि मेसीले उनलाई कतार बोलाएर भेटेका थिए। यही कारण आतंवादी संगठन तालिबान रुष्ट छ।

मुर्तजा पूर्वी अफगानिस्तानको गजनी प्रान्तका हुन्। उनले आफ्ना परिवारसँग मेसीको टी–शर्ट किनिदिन आग्रह गरेका थिए। तर उनको परिवार मेसीको जर्सी किन्न समक्ष थिएन। मुर्तजाका बुवा मोहम्मद आरिफ अहमदीले उनलाई निलो र सेतो प्लास्टिकको थैलाले बनेको मेसीको जर्सी दिए। त्यसपछि उनी इन्टरनेटमा चर्चित भए। त्यसपछि तालिबानले उनको घरमा बम विस्फोट गराए भने मुर्तजालाई मार्ने धम्की दिए। त्यसपछि मुर्तजा परिवार पास्कितान जान बाध्य भयो।

अर्कोतर्फ मुर्तजाका समर्थन विश्वभरका फुटबल प्रेमिहरुले गर्न थाले। जब यो कुरा मेसीले थाहा पाए, तब मुर्तजालाई भेट्न कतार बोलाए। जहाँ डिसेम्बर २०१६ मा बार्सिलोना र अल–अहली एफसीबीच खेल हुने थियो। खेल भन्दा पहिला मेसीले मुर्तजासँग भेट गरे र पूरै टीमसँग फोटो सेशन गराए। उनले मुर्तजालाई आफूले हस्ताक्षर गरेको जर्सी उपहार स्वरुप दिए।

मुर्तजाका बुवा आरिफ अहमदीले भने–छोरालाई अपहरण गर्ने धम्की दिएपछि मैल पाकिस्तान जाने निर्णय गरेको थिएँ। मैले आफ्नो सबै सम्पत्ति बेचेँ। छोरालाई बचाउनकालागि मैले अफगानीस्तान छोडेँ।’

तर पछि सबै पैसा सकिएपछि उनी फेरि अफगानिस्तान फर्किए, तर फेरि उनलाई अहिले तालिबानले धम्की दिन थालेको छ।
मुर्तजाकी आमा शफीका अहमदीले भनिन्–जतिबेलादेखि मुर्तजा चर्चित भयो त्यतिबेलादेखि तालिबानले उसलाई दुख दिन थाले। यदि मुर्तजालाई तालिबानले कब्जामा लिए भने जिवित छोड्दैनन्। अब मुर्तजा चर्चित नहोस भन्ने मेरो कामना छ।’