एजेन्सी – पछिल्लो समय चर्चित अभिनेत्रि श्रीदेबीकी छोरी जान्भीको बलिउडमा निकै चर्चा चलिरहेको छ ।अहिले नयाँ चलचित्र मा काम गर्न नायिका जान्भी कपुरले हेलिकप्टर उडाउन सिकिरहेकी छन् ।नायिका जान्भीले करण जोहरको प्रोडक्शन हाउस धर्माबाट बलिउडमा पाइला राखेकी थिइन् । उनले यो चलचित्र पनि करण जोहरकै प्रोडक्शन हाउसबाट बन्ने बताइएको छ ।

यो चलचित्र बहादुर पाइलट गुञ्जन सक्सेनाको जीवनीमा आधारित रहेर बन्नेछ । यो चलचित्रमा जान्भीको अपोजिटको रुपमा साउथका स्टार सलमानलाई फाइनल गरिएको छ । यो चलचित्र जान्भीमाथि केन्द्रित हुनेछ र सलमानले चलचित्रमा जान्भीसँग रोमान्स गर्नेछन् ।जान्भीलाई करणले आफ्नै प्रोडक्शनको अर्को चलचित्र ‘ताक्त’मा पनि फाइनल गरिसकेका छन् ।