काठमाडौं – बहुप्रतीक्षित फिल्म ‘क्याप्टेन’को पोस्टर सार्वजनिक भएको छ ।अनमोल केसी अभिनित बहुप्रतीक्षित फिल्म ‘क्याप्टेन’को दुईवटा पोस्टर सार्वजनिक भएको हो । फिल्म ‘क्याप्टेन’ फागुन १७ गते रिलिज हुने भएको छ ।फिल्ममा सरोज खनाल, विल्सनविक्रम राई, सूर्यमाला खनाल, बुद्धि तामाङ, अमित श्रेष्ठलगायतको अभिनय रहेको छ ।

पहिलो पोस्टरमा अनमोलका साथमा सुनिल थापा र प्रशान्त ताम्राकारको तस्बिर देख्न सकिन्छ भने दोस्रोमा खेलाडीको गेटअपमा अनमोल केसी मैदानमा फुटबल लिएर उभिएको देखिन्छ ।फिल्म‘क्याप्टेन’ एउटा फुटबल खेलाडीको जीवनीमाथि आधारित भएर निर्माण भएको छ । फिल्ममा सामिप्यराज तिमिल्सेनाको कथा, सुदिप बरालको छायाँकन, कविराज गहतराजको नृत्य निर्देशन, अर्जुन पोखरेलको संगीत, दीर्घ खड्काको सम्पादन रहेको छ ।क्याप्टेनमार्फत उपासनासिंह ठकुरी र प्रियंका एमभीले अभिनयमा डेब्यु गर्दैछन् ।