काठमाडौं। काठमाडौंको किर्तिपुरमा त्रिवि अन्तर्राष्ट्रिय क्रिकेट मैदानमा जारी एभरेष्ट प्रिमियर लिगमा विराटनगर वारियर्सका ब्याट्सम्यान बाबर हयातले छक्का हान्दा मैदानबाहिर पार्किङ गरेर राखिएको गाडीको अगाडिको सिसा फुटेको छ । गाडी एभरेष्ट प्रिमियर लिगका प्रबन्ध निर्देशक आमिर अख्तरको भएको बताइएको छ ।

हङकङका खेलाडी हयातले आजको खेलमा ४२ बलमा ९० रन प्रहार गर्ने क्रममा ८ छक्का र ५ चौका प्रहार गरेका थिए यद्यपि उनले टिमलाई जिताउन भने सकेनन् । यसैबीच आजकै खेलको पहिलो इनिङमा चितवन टाइगर्सको ब्याटिङको क्रममा एक दर्शकले छक्का गएको बल एक हातले क्याच गर्दै ५० हजार जितेका छन् । उनी प्रतियोगितामा एकहाते क्याच गरेर ५० हजार जित्ने दोस्रो खेलाडी भएका छन् । उनको नाम दर्शन ओली भएको बताइएको छ । दर्शनले चितवनका जर्ज स्कटको बल एक हातले क्याच गरेका थिए । स्कटले ३ छक्का हान्दै १० बलमा नटआउट २४ रन बनाएका थिए ।