एजेन्सी। बलिउडका किंग खान शाहरुख खानको फिल्म जिरो शुक्रबार रिलिज भएको छ । यो फिल्म दर्शकले निकै प्रतिक्षा गरेको मध्ये एक फिल्म हो ।

यो फिल्मबाट शाहरुखले निकै अपेक्षा पनि गरेका छन् । निर्देशक आनन्द एल रायले दर्शकहरुसँग शाहरुखको सम्बन्ध सुधार गर्ने वाचा पनि गरेका थिए ।

तर, यो फिल्मको समक्षिा भने मिश्रित भएको छ । दर्शकले कति मन पराउँछन् त्यो भने हेर्न बाँकी छ ।

पहिलो दिनको हल बुकिंगअनुसार यो फिल्म १५ करोड बाट ओपनिंग शुरुआत गरेको छ । यद्यपी शाहरुखले अपेक्षा गरेअनुसारको ओपनिंग भने यो होइन ।

उनलाई साउथको फिल्म केजीएफले कडा टक्कर दिने अनुमान गरिएको छ । साउथको केजीएफ पनि शुक्रबार विभिन्न ५ भाषामा प्रदर्शनमा आएको छ ।

उता शाहरुखले आगामी २५ डिसेम्बरका दिन क्रिसमसका दिन यो फिल्ले राम्रो कलेक्शन गर्ने अपेक्षा गरेका छन् ।

शाहरुखको यसअघिको फिल्म जब ह्यारी मेट सेजले पनि पहिलो दिन १५.१५ करोड कलेक्शन गरेको थियो ।

अब शाहरुखको जिरोले आफ्नै फिल्म जब ह्यारी मेट सेजललाई पछार्न सक्छकी सक्दैन भन्ने प्रश्न उब्जिएको छ ।

यो फिल्ममा शाहरुखसँगै अनुष्का शर्मा र कटरीना क्याफसमेतको महत्वपूर्ण भूमिका रहेको छ ।