काठमाडौं । नेपाली कथानक चलचित्र ‘रणवीर’को पहिलो गीत सार्वजनिक गरिएको छ । ‘तिरिमिरी तिरिमिरी तीन तारा…’ बोलको गीत सार्वजनिक गरिएको हो ।

सार्वजनिक गीतमा राजनराज शिवाकोटी र अन्जु पन्तको स्वर रहेको छ भने शब्द र संगीत स्वयम् राजनराजले नै दिएका छन् । गीतलाई रामजी लामिछानेको कोरियोग्राफी गरेका छन् ।

गीतमा तीन मुख्य कलाकार सुशील सिटौला, डेब्यु गर्ल शुभेच्छा खड्का र सुपुसा भट्ट नेपाली पहिरनमा देखिएका छन् ।

लभ स्टोरी जानरनमा निर्मित चलचित्रमा सुशील, सुभेच्छा र सुपुस्पासँगै प्रशान्त ताम्राकार, रवि गिरी, हरिहर शर्मा, नरेश पौडेल लगायतका कलाकारको अभिनय छ ।

कथा, पटकथा, संवाद तथा निर्देशन गोविन्द सिंह भण्डारीको रहेको छ । चलचित्र माघ १८ गते रिलिज हुनेछ ।

गायक तथा संगीतकार राजनराज शिवाकोटीले गीतलाई राम्रो बनाउन सक्दो कोसिस गरेको बताए । “यसमा पनि मैले मेरो अघिल्ला गीतमा झैँ टिपिकल शब्दलाई प्रयोग गरेर तयार गरेको छु ।

मैले जसरी अडियो विश्वास गरेर दिएन् भिडियो त्यही अनुरुप नै तयार गर्नु भएको छ,” उनले भने, “गीत राम्रो बनेको छ जस्तो लागेको छ । दर्शक तथा श्रोताबाट कस्तो प्रतिक्रिया आउँछ त्यसको पर्खाइमा छु ।”

भिडियो हेर्नुहोस :