पछिल्लोसमय आफ्नो सुमधुर स्वरका कारण पोखराकी समीक्षा अधिकारी ‘भाइरल’ बनेकी छन् । माछापुछ्रे गाउँपालिका लाहाचोक ४ काँस्की पोखरामा जन्मिएकी उनको अन्तवार्ता आजभोलि प्रायः जता पनि देख्न, सुन्न र हेर्न पाइन्छ ।

उनी सामाजिक सञ्जाल फेसबुक र युटुबमा जतततै भेटिन्छिन् । समीक्षा उनै हुन्, जसले हालैमात्र हिट भएको चलचित्र ‘नाई न भन्नु ल ५’ को एउटा गीतमा आवाज दिएकी थिइन् । उनको स्वरमा सजिएको ‘बालापनको उमेर’ बोलको सो गीत दर्शक–स्रोताले निकै नै मन पराए ।

उनको जादुमयी स्वरले सबैलाई मोहनी लगायो र रातारात भाईरल भइन् । उनै समीक्षा अब चर्चित संगीतकार बसन्त सापकोटाको साथमा गीत गाउँदैछिन् ।