काठमाण्डौ । बलिउड अभिनेता रणवीर सिंह र अभिनेत्री आलिया भट्टको चलचित्र ‘गल्ली ब्वाई’ को फर्स्टलुक पोस्टर सार्वजनिक भएको छ । पोस्टरमा उनीहरु साधारण लुक्समा देखिएका छन् । फिल्मको कहानी मुम्बईको स्ट्रिट र्‍यापर्सको वरिपरि घुम्छ ।

फिल्ममा रणवीर स्ट्रिट र्‍यापर्सको भूमिकामा देखिनेछन् । फिल्मलाई जोया अख्तरले निर्देशन गरेकी हुन् । यस फिल्मको निर्मातामा फरहान अख्तर र रितेश सिद्धवानी छन् ।

यस फिल्मबाट आलिया र रणवीरको जोडी पहिलो पटक साथ पर्दामा देखिदै छन् । यसअघि यी दुईले एक एडमा सँगै काम गरेका थिए ।

‘गल्ली ब्वाई’ यस वर्षको भ्यालेनटाइनमा रिलिज हुँदैछ ।