स्पेनिस ला लिगाअन्तर्गत आज लिग लिडर बार्सिलोनाले सन् २०१९ को पहिलो खेल खेल्दैछ । आफ्नो १७ औं खेल खेल्न लागेको बार्सिलोनाले आज सातौं स्थानको गेटाफेसँग उसैको मैदानमा खेल्दैछ ।

आजको अन्तिम तथा चौथो खेलमा बार्सिलोनाले गेटाफेसँग राति १ः३० बजे खेल्दैछ । यस खेलमा बार्सिलोनाको घरेलु टोलीलाई हराउँदै ३ अकं जोडेर आफूलाई उपाधि जित्न बाटो सहज बनाउने योजना छ । यता घरेलु टोली गेटाफे भने बार्सिलोनालाई नयाँ वर्षको पहिलो हार चखाउने लक्ष्यका साथ मैदान उत्रिने छ ।

गेटाफे त्यही टोली हो जसले यसअघिको भेटमा बार्सिलोनालाई बराबरीमा रोकेको थियो ।रक्षापंतिमा बलियो मानिने गेटाफेले आज लिग लिडर बार्सिलोनाविरुद्ध राम्रो नतिजा निकाल्न सफल भएमा ऊ छैटौं स्थानमा उक्लन सफल हुनेछ । यस सिजनको १७ औं चरणको खेल सकिँदासम्म बार्सिलोनाले ११ खेलमा जित ४ खेलमा बराबरी २ खेलमा पराजय भोग्दै ३७ अंक बनाएको छ ।