झापा । चर्चित स्पेनिस फुटबल कप प्रतियोगिता कोपा डेल रेमा आज चार खेल हुँदैछन् । यस प्रतियोगिताअन्तर्तग अन्तिम १६ को पहिलो लेगका ४ खेल आज हुन लागेका हुन् ।

आज चार खेलभएपछि अर्कोदिन अन्य तीन खेल हुनेछ र अन्तिम १६ को पहिलो लेग सकिने छ । त्यसपछि अन्तिम १६ को दोस्रो लेग सुरू हुनेछ । दुवै लेगमा समग्रमा जित निकाल्ने टोलीले सेमीफाइनलमा स्थान बनाउनेछ । यदि, दुवै खेलमा बराबरी गरेमा अवे गोल निर्णायक हुनेछ र अवे गोल पनि बराबर भयो भने खेलको नतिजा पेनाल्टीबाट लिइन्छ ।

आजको पहिलो खेलमा जिरोना र एथ्लेटिको मड्रिडले खेल्दैछन् । यो खेल जिरोनाको घरेलु मैदानमा हुँदैछ । नेपाली समयअनुसार राति १२ः१२ बजेबाट यस खेल सुरू हुनेछ । यस्तै दोस्रो खेलमा गेटाफे र भाल्लाडोलिड प्रतिस्पर्धामा छन् । यी दुईको खेल गेटाफेको मैदानमा राति १ः१५ बजेदेखि सुरू हुँदैछ भने सोही समयमा भिल्लारियल र इस्पान्योलले खेल्नेछन् ।

यस्तै अर्को रोमाञ्चक खेलमा रियल मड्रिड र लेगानेस भिड्दैछन् ।जारी सिजन रियलको खराब प्रस्तुती रहेको छ घरेलु लिगमा पनि भर्खरै भएको खेलमा लज्जस्पद हार बेहोरेको छ । यसो हँदा रियलको लागी आजको खेल त्यती सहज भने छैन । रियलको घरेलु मैदानमा हुने यस खेल राति २ः१५ बजेबाट सुरू हुनेछ ।