झापा । जारी काराबाओ कप फुटबल प्रतियोगिताको सेमिफाइनल खेलमा म्यानचेष्टर सिटीले शानदार जित निकालेको छ । गए राति भएको सो खेलमा सिटीले बर्टनलाई ९-० को फराकिलो एतिहासीक जित निकालेको छ ।

सिटीले सेमिफाइनलको पहिलो लेगमा बर्टनलाई आफ्नै मैदानमा पराजित गरेको हो । सिटीको शानदार जितमा ग्राबियल जेससले ४ गोल गरे भने, केभिन डी ब्रुने, ओलेकसन्ड्र जिन्चेन्को, फिल फोडेन, केले वाल्कार, रियाद महरेजले समान एक–एक गोल गरे ।

सिटीले खेलको पाँचौं मिनेटदेखि नै अग्रता बनाएको थियो । उसका लागि केभीनले गोल गरेका थिए । यस्तै खेलको ३० औं मिनेटमा र ३४ औं मिनेटमा जेससले गोल ३–० को अग्रता बनाए । फेरि त्यसको चार मिनेट नबित्दै जेन्चेकोले गोल रे । उनले ३७ औं मिनेटमा गोल गरेपछि सिटीले पहिलो हाफमा ४–० को अग्रता बनायो ।

यस्तै दोस्रो हाफमा सिटीले पाँच गोल थप्यो । जेससले ५७ औं मिनेटमा आफ्नो ह्याट्रिक पूरा गर्दा ६२ औं मिनेटमा फोडेनले गोल गर्दै सिटीलाई ६–० को अग्रता दिलाए । यस्तै ६५ औं मिनेटमा जेससले व्यक्तिगत ४ गोल गरे । फेरि ७० औं मिनेटमा वाल्करले र ८३ औं मिनेटमा रियादले गोल गरेपछि सिटीले सो खेल ९–० ले जित्यो ।

यससँगै साबिकको विजेतासमेत रहेको सिटीले लगभग फाइनलमा स्थान बनाएको छ । अब उसलाई फाइनल राउण्डमा जानलाई रोक्नका लागि बर्टनलाई सहज भने छैन । सेमिफाइनलको दोस्रो लेगमा सिटीले बर्टनको मैदानमा खेल्ने छ । अर्को लेगको खेल भने जनवरी २२ मा हुँदैछ ।

होम र अवे दुवै खेलमा बराबरी भएको अवस्थामा अवे गोल निर्णायक हुनेछ ।