पोर्चुगिज सुपरस्टार रोनाल्डो खेल खेल्दा जसरी मैदानमा चम्किन्छन् , मैदान बाहिर पनि समय समयमा उनको जीवनको नयाँ नयाँ खबरहरु पनि चम्किरहन्छन् । युभेन्टसका यि स्टारमाथी धेरै आरोप प्रत्यारोप लाग्ने गरेको छ । हाल यिनलाई विगत १० वर्ष अगाडीको विताएको पलले सताइरहेको छ । यिनलाई एक युवतीले बलात्कारको आरोप लगाएकी छिन् । भर्खरै स्पेनिस क्लब रियल मड्रिडबाट इटालियन क्लब युभेन्टस गएका उनीमाथि केही समयअघि मात्र बलात्कारको आरोप लागेको थियो ।

यद्यपि, उनले यस आरोपको खण्डनसमेत गरिसकेका छन् । यसबीचमा फेरि रोनाल्डोमाथि गम्भीर आरोप लागेको छ । ३३ वर्षीय रोनाल्डोमाथि उनकी पूर्वप्रेमिकाले गम्भीर आरोप लगाएकी हुन् ।

उनकी पूर्वप्रेमिका तथा मोडल जेस्मिन लेनार्डले रोनाल्डोले धम्की दिने गरेको आरोप लगाएकी छन् । उनका अनुसार रोनाल्डोले उनलाई पटक–पटक धम्की दिने गरेका छन् । अन्तर्राष्ट्रिय सञ्चारमाध्यमले यस खबरलाई प्राथमिकताकासाथ सार्वजनिक गरेका छन् ।

बेलायतको खेल पत्रिका ‘द सन्’ले ३३ वर्षीया मोडल लेनार्डलाई रोनाल्डोले धम्कीसमेत दिने गरेका छन् । रोनाल्डोले उनको नग्न तस्बिरहरु लिक गर्ने धम्की दिएको सो पत्रिकाले उल्लेख गरेको छ । उनले भनिन्, ‘मलाई रोनाल्डोले मेरो नग्न तस्विर तिम्रो परिवारलाई देखाउँदा कस्तो होला ? भन्दै धम्की दिने गरेका छन् ।’

१० वर्षअगाडि यी दुवैको अफेयर चलेको थियो । विगत १८ महिनादेखि यी रोनाल्डो र लेनार्ड सम्पर्कमा रहेका छन् । लेनार्डले भनेकी छन्, ‘रोनाल्डोले मलाई चुप रहन र पैसा दिन्छु भनेका छन् । तर, म उसको रखेल होइन् । ’

यस्तै लेनार्डले रोनाल्डोमाथि बलात्कारको आरोप लगाउने महिलालाई सहयोग गर्ने बताइन् । ९ वर्षअघि रोनाल्डोले लस भेगासमा बलात्कार गरेको भनी आरोप लगाएकी मोडल क्याथरिन मायाग्राको मद्दत गर्ने समेत लेनार्डले प्रष्ट पारेकी छन् । यस्तै उनले अब चाँडै आफूले पनि रोनाल्डोबिरुद्द मुद्दा दायर गर्ने बताइन् ।

यता रोनाल्डोले भने यस कुरालाई खण्डन गरेका छन् । उनले यो सब झुटो भएको बताएका छन् ।