स्पेनिस फुटबल प्रतियोगिता कोपा डेल रेअन्तर्गत आज बार्सिलोनाले लेभान्टेविरुद्ध खेल्दैछ । नेपाली समय अनुसार राति २ः१५ बजे हुने सो खेल आज बार्सिलोनाका लागि एक महत्वपूर्ण खेल हो ।

लेभान्टेको घरेलु मैदानमा हुने यस खेलमा बार्सिलोनाका स्टार खेलाडीद्वय लियोनल मेस्सी र लुइस स्वारेज अनुपस्थित रहने छन् । बार्सिलोनाका प्रशिक्षक अर्नेष्टो भाल्भेर्डे यी दुई खेलाडीको नामबिनाको स्काड सार्वजनिक गरेका छन् ।

यस्तै प्रशिक्षक अर्नेष्टोले उनीहरुलाई रेष्ट दिएकाले टिममा नराखेको जनाएका छन् । गोल डट कमका अनुसार जेरार्ड पिके र जोर्डी अल्बा पनि लेभान्टेविरुद्धको खेलमा अनुपस्थित रहने छन् । स्टार खेलाडी बिनै यो टिम आज राति लेभान्टेको मैदानमा उत्रँदैछ ।

अब आज रातिका खेलपछि अन्तिम १६ को पहिलो लेगका खेलहरु सकिनेछन् । यसअघि अन्तिम १६ का पाँच खेलहरु भइसकेका छन् । अब आज तीन खेल भएपछि पहिलो लेगका खेलहरु सकिने छन् ।