काठमाडौँ। चलचित्र साँइलीको नयाँ गीत प्याट प्याटे चप्पल ओएसआर डिजिटलको आधिकारिक युट्युब च्यानलबाट गीत बुधवार सार्वजनिक भएको छ।

गीतमा स्वर र सङ्गीत सुशान्त गौतमको रहेको छ भने शब्द हर्क साउदले लेखेका हुन्। गीतमा चलचित्रका मुख्य कलाकार नायकद्वय गौरव पहारी र दयाहाङ राई तथा नायिकाद्वय मेनुका प्रधान र केनिपा सिंहलाई देखाइएको छ।

चलचित्रलाई ’कबड्डी’ फेम निर्देशक रामबाबु गुरुङले निर्देशन गर्नेछन् साँइलीको कथा पनि निर्देशक गुरुङ आफैले लेखेका हुन् । चलचित्रमा हेमन्त, गौरव, अजय पोखरेल, विशाल गुरुङ, मोहन थापाको संयुक्त लगानी रहेको छ । चलचित्र चैत्र १५ गतेबाट प्रदर्शनमा आउने छ।