एजेन्सी । इन्ग्लिश क्लब म्यानचेस्टर युनाईटेडले डिफेन्डर ह्यारी मगायरलाई अनुबन्ध गर्ने पक्का भएको छ ।

इन्ग्लिश डिफेन्डर मगायर अनुबन्धका लागि युनाईटेड र लेष्टर सिटी सहमत भएका छन् । लेष्टरका मगायरलाई अनुबन्धका लागि ८० मिलियन युरो तिर्न युनाईटेड राजी भएको छ । सेन्टर ब्याक मगायर र युनाईटेडबीच केहि दिनमा हस्ताक्षर हुने इन्ग्लिश मिडियाहरुले जनाएको छ । उनको मेडिकल समेत केहि दिनमा हुनेछ ।

युनाईटेडसँग औपचारिक सम्झौता भए मगायर विश्वका सर्वाधिक महँगा डिफेन्डर बन्ने छन् । उनले लिभरपुलका भिर्गिल भान डायकलाई पछि पार्ने छन् । मगायरलाई अनुबन्ध गर्न युनाईटेडले विगत एक बर्षबाट प्रयास गरिरहेको थियो ।