मुम्बइ। बलिउड अभिनेत्री दीपिका पादुकोणलाई ए ग्रेडकी अभिनेत्री मानिन्छ । दीपिका वास्तविक जीवनमा कस्ती छिन् ? यो जान्न इच्छुक दीपिकाका फ्यानहरुलाई उनकी साथी स्नेहा रामचन्दरले सरप्राइज दिएकी छिन् । फ्रेण्डशिप डेको ठिक अगाडि स्नेहाले दीपिकाको लागि एउटा नोट शेयर गरेकी छिन् जसमा दीपिकाको जीवनको भिन्न पाटो उल्लेख छ ।

स्नेहाले दीपिकाको वेबसाइटमा यसलाई शेयर गर्दै लेखेकी छिन् ‘के तपाइँ कुनै यस्तो व्यक्तिलाई चिन्नुहुन्छ जसको उपस्थिति एउटा प्रेमपूर्ण अंकमाल र तातो कोकोआको कपजस्तै होस् । कोही यस्तो जोसँग तपाइँ घण्टौं कुरा गर्न सक्नुहुन्छ । जसको आँखामा दयाभाव होस् । जसको हेराइले तपाइँलाई आफ्नो लागि चिन्तीत भएको आभास देओस् ।’

‘कोही यस्तो जो निकै संगठित होस् । उसले तपाइँसँग तपाइँको घरमा खुसी जुटाओस् । के तपाइँ कुनै यस्तो मानिसलाई चिन्नुहुन्छ जो चोरी गर्छ । मेरो मतलब उनले यात्रा गर्दा होटलबाट तपाइँको मन पर्ने श्याम्पूको बोतल जम्मा गर्छिन् । किनकि उनलाई थाहा छ तपाइँ ती श्याम्पू मन पराउनुहुन्छ । म मन पराउँछु । यी हुन् मेरी साथी दीपिका पादुकोण । यो हामीजस्ता साथीको लागि खुसीको दिन हो ।’